Tayo na Pinili Natin

Pinipili daw ang kaibigan
Kaibigang pagpupunlaan ng tiwala
Tiwalang sasandiganan ng pagkakaibigan
Pagkakaibigang walang hanggan

Nasaan ka na ngayon
Ngayon na hindi kaylanman
Kaylanman magiging kahapon
Kahapong gaya ng bukas

Nagkulang ba tayo
Tayo sa isa’t-isa
Isa’t-isang hindi tayo
Tayong di ikaw ni ako

Batid ng puso ko ang ikaw
Ikaw na di nagkulang
Nagkulang sa paggiging kaibigan
Kaibigang maaasahan

Ngunit bakit ganito
Ganito ang ngayon
Na di na gaya ng dati
Dati maging nang bukas

Walang sagot sa mundo
Mundong mapaglaro’t mapanglito
Mapanglitong manggagaling sa’yo
Sa’yo ang isasagot ng mundo

Kung ang mundo ay walang sagot
Sagot na hanap sa’yo
Sa’yo na tanging totoo
Totoo at ikaw ang aantayin ko


Para sa iyo Totoong Kaibigan

Panibagong Pasko

Pasko na naman.
Unang pasko ko na seminarista ako.
Bakit tila kakaiba ang pasko?
Baka naninibago lang ako.

Masaya ba o malungkot?
Excited ba o matamlay?
Payapa ba o Magulo?
Baka naninibago lang ako.

Ngunit hindi nga ba?
Hindi nga ba ito ang hatid ng pasko?
Ang paninibago.
Ang pababago sa puso ko.

Panahong bago ang lahat.
Napawi ang bawat kalungkutan pati saya.
Nabura pagkatamlay at pagkabigahani.
Bagong muli ang lahat sa Kanya.

Bagong muli ang lahat.
Nang dahil sa Kanya.
Sa pamamagitan Nya.
Sa pagsilang Nya.


"See I make all things new." These were the words of Jesus as he carries the cross to Calvary. As we celebrate this event of Christ renewing our lives ones again, may we live life looking through the renewed eyes of faith, hope, and love.

Mapagpanibagong Pasko sa ating lahat.